新年又到,親戚都好心急打探婚事準備成點,
不過基於太懶得搞,萬事起頭難,未有心機計劃。
為左喺新年親戚聚會時,可以“有功課”交下,
前幾日終於的起心肝上網搵資料,
甘啱見到ClubONE面書有開放日,
重有免費接駁接送,一次過參觀晒港島三個婚宴場地,
又難得我星期日得閒,雖則另一半陪唔到,單人匹馬都照去!
其實之前我已經去過淺水灣CLUB ONE參加婚禮,
姐妹結婚時又幫佢地睇過九龍東、太子東堤CLUB ONE個場,
每個嘅感覺都好正面,所以當今次到自己時,
講起場地第一樣都係諗起ClubONE。
(其實對ClubONE.水 中 天心心眼咖,
不過我地多數親友都係港島,所以一講就畀另一半band左)
講番先,今次去左 │時尚康山ClubONE│淺水灣ClubONE│大舞臺ClubONE,
我試下喺地點、圍數、特式風格比併一下,
分享出嚟畀各位B2B參考下。
.
【場地】
│淺水灣ClubONE│:
地址☞ 淺水灣海灘道16號
(ClubONE會有提供免費專車接送-海洋公園至淺水灣ClubONE,
大慨6-8pm,可走2圈左右)
│時尚康山ClubONE│:
地址☞ 香港太古康山道2號康蘭居201號及301號
(太古地鐵站c出口,由康怡廣場直上康蘭居就到)
│大舞臺ClubONE│:
地址☞ 香港德輔道中323號西港城二樓
(上環地鐵站C出口直行三分鐘就到)
就甘睇落,三個場地論方便就係時尚康山同大舞臺贏晒,
時尚康山喺地鐵站上兩層就係,快到一個點;
大舞臺就一出鐵站直行就係,轉個彎都唔洗;
不過真係要睇下擇左吉日係幾時,
如果係星期六、日,就不妨揀淺水灣,
望著個海黎結婚果下係寫意d 嘅!
同埋佢有免費專車接送,尼樣真係吸引!
.
.
【圍數】
參觀日派左個場刊,入面有個Floor Plan,
畀大家參考下。
三個場嘅租場費都係free。
│淺水灣ClubONE│:
宴會廳☞ 3個(銀海25席、金灣11席、姻园﹒十六16席)
Lunch Cocktail最多可容納☞銀海300人、金灣100人、姻园﹒十六192人
│時尚康山ClubONE│:
宴會廳 ☞ 2個 (2/F 43席、3/F 11席)
Lunch Cocktail最多可容納☞ 2/F 410人、3/F 312人
│大舞臺ClubONE│:
宴會廳 ☞ 2個 (兩層古堡式宴會廳,全廳41席)
Lunch Cocktail最多可容納☞ 250人
淺水灣同大舞臺 個Floor plan都屬於寬闊嘅四方形,
我個人比較鍾意圍與圍之間嘅空位闊落d,
而且最多可能擺四十幾圍,
敬酒時會方便d、親友互動度會高d、熱鬧d!
同埋尼2個場地有一個好處,
就係場內無咩支柱阻擋住視線,
所有親友無論坐咩枱都可以望到舞台,
特別係大舞臺,係3個之中我最愛!
佢係兩層古堡式宴會廳設計,
坐喺第二層露台包廂嘅親友都可以好清楚望到舞台,
重真個高居臨下嘅不一樣視覺享受,
而新人好似畀兩層嘅友包圍住,尼個感覺好warm!
而淺水灣嘅floor plan較長身,
係半開放式設計,戶外嘅證婚位真係好靚,
而且全廳都係落地玻璃設計,
擺Lunch Cocktail一定好正!
.
.
【場地特式位】
婚禮當日甘多親友,未必可以每個都照顧到,
所以一個場地嘅打卡、影相、娛賓位真係好重要,
等大家入席前後都唔會悶嚫!
│淺水灣ClubONE│:
尼個場可以形容做“風景場”,如果鍾意大自然,
想將結婚同海灘結合,就必定要揀尼度!
尼度設計係純白為主,襯托宴會廳嘅落地玻璃,
可以一次過欣賞埋夕陽嘅黃昏,漫天繁星嘅夜晚!
1) 有2個戶外證婚位,都係影相位,
由尼個角度影過去,有d似去左沙灘wedding party!
2) 尼度嘅戶外場地好大,要善用佢,可能擺d畫框或photobooth,
畀親友玩下,戶外重有個露天茶坐位,大家可以喺梳化上面影下相,傾下計。
3) 上面個麻雀房好大,可以開多幾圍麻雀熱鬧下!
4)新娘房係三間之中最大,獨立厠所,夾萬、蒸氣熨斗,重可以睇到海景!
│時尚康山ClubONE│:
1) LOVE CORNER 一定係影相位,一入場就見到。
2) 歐洲火車裝飾設計,尼度好有法式感,
連墻上嘅大鐘都好有特式,一定係親友嘅照相位!
3) 英式書架設計,有d似英式古堡內面嘅書房。
4) 麻雀位擺喺火車設計旁,擺多幾圍都ok!
5)新娘房係藍白色為主,獨立廁所,夾萬蒸氣機都有齊晒。
│大舞臺ClubONE│:
尼個場地嘅佈置設計係我私心推介,
入面充滿住一份古典嘅情懷,
佢係香港唯一嘅古蹟婚宴場地,
係一級保護古蹟文物。
我諗所有親友黎到都一定唔會悶,
淨係個場都好多野影!
1) 敬茶位,尼個位我好鍾意!!!
佈置得好有以前樓底好高果d祖屋feel,
老人家/長輩一定好鍾意!
2) 舞台/鋼琴,尼個concer充滿古典浪費feel,
紅磚墻上貼滿花窗玻璃,水晶燈嘅下面有個三角琴,
新人o係尼度留影一定好靚!!!
3) 旋轉樓梯/露台包廂,連樓梯都係影相位,
係愛德華式建築風格,好鍾意佢嘅環形包廂,
深木色配金花圍檣,配合上一支支充滿古典味嘅電燈,
有似d去左歌舞劇院咁呀!
4) 場內整體,喺尼個場入面真係每一個位都係影相位!!!
我隨便影個全景都好有格調,
大家要特別留意下個天花位係拱形設計,令到空間感好大,
重有果盞十呎高嘅歐洲蠟燭水晶燈真係好吸睛!!
5) 麻雀位好特別甘擺喺露台包廂度,
喺度打雀,一定別有一番風味!
6)而新娘房都唔錯,個獨立廁所都幾大,重有個落地大鏡!
總括一下先,其實之前都去過淺水灣clubONE,
地方又大又靚,無敵大海景,
個新娘房係三個場中最大最滿意嘅一個,
落地玻璃,搞lunch cocktail 一流!
.
但以交通計嘅呢,時尚康山clubONE的確勁方便,
法色浪漫設計,佢個歐洲列車背景墻夠特別,
可以做影相位,淨係尼點都抵晒!
.
而大舞臺clubONE,
上到去只能用目定口呆 嚟形容,
百年古蹟、紅磚圍墻、歐式水晶燈、
兩層古堡式宴會廳,
再配上 saxophone浪漫懷舊歌,
我諗我嘅夢幻婚禮場地已經出現左,
無論係自己定親友嚟到都一定畢生難忘!
♥♥♥♥♥♥♥♥♥♥♥♥♥♥♥♥♥♥♥♥♥♥
歡迎聯絡合作,Event、產品、食品、穿搭分享: bduckyuet@yahoo.com.hk
留言列表