Yuetyuet_月月*的部落格

每逢轉天氣，我都有預測能力，因為我一定不斷打乞嚏，
隨住屋企對面有幾個地盤動工，我鼻感敏嘅問題一日比一日嚴重。
放喺枱頭果d Figure公仔，抹完又抹都有好多塵，
所以一直都搵緊部啱我嘅空氣淨化器，但因為屋企已經放滿雜物，
要長期放部傳統size嘅空氣淨化器喺屋企，的確好有難度。

直到我發現咗尼部 智能式便攜式【Wynd Air Purifier智能隨身空氣淨化器】，
佢嘅總部喺美國，係由麻省理工學院、士丹福大學嘅工程師團隊開發。
仲被美國時代雜誌評為“2016年25項最佳發明之一”，
佢可以過濾包括過敏原、細菌、霉菌孢子以及由交通和工業污染所產生嘅懸浮粒子，
清潔個人空間嘅空氣。





尼部空氣淨化器操作非常簡單，全部機只有2個按鈕，
左邊係開關，右邊係自行模式。

自行模式 即係➤ 根據監測儀嘅數據自動調節空氣清潔功率。 

頂部有個360°LED控制環，係氣流位，
會隨住空氣質素轉顏色，淺色係代表周圍嘅空氣係健康。

機身有936個氣流入口，可以360°吸入空氣，
以最大限度咁增加進氣面積。

佢有個專有嘅氣流設計，係由火箭渦輪機工程師設計，
每秒輸出超過9公升清潔空氣。

空氣淨化器嘅入裡有個醫療級過濾網，係同銀交織嘅靜電網組成，
可捕捉99％嘅0.3微米以上嘅微粒，並殺死99％嘅細菌嘅病毒。







一個過濾網大概可以到用3個月左右，
而且app入面會有提示你幾時需要更換，
新嘅過濾網都可以喺app入面買到。




 

第一次用，首先要下載左"Wynd" 尼個app，
開左藍牙，app入面有片同文字會一步一步咁教大家點連接。





一開app嚇咗一嚇，空氣質素跳到152，
怪不得我尼幾年鼻敏感咁嚴重!!!!!!!!
當我開左自行模式，空氣淨化器就自己調節淨化level，
而且空氣質素亦慢慢由 unhealthy➤ Moderate ➤ Good。







app入面，都可以自行調節淨化level，
訓覺時仲可以開著 "Night Mode"
甘個360°LED控制環燈就會關咗。






佢嘅體積大概係水樽咁大 ，一隻手都拎得晒，
而且我最鍾意佢夠輕身，重量只係 0.43kg，
又係充電池驅動，拎出街、放喺bb車、私家車入面都好方便！

工作時可以用腳架仔打鈄放枱頭，
訓覺時可以垂直放床頭，夠晒慳位。

晚上開住佢黎訓覺，我訓得特別好，
以往我一起身就開始打乞嚏，而家改善咗好多。
最明顯嘅係我枱頭嘅figure公仔，唔再係鋪滿塵!


我哋嘅健康，除咗要喺飲食、運動、休息時間方面著手外，
生活環境、周遭空氣質素係直接影響健康、呼吸系統嘅重要一環!
所以家居必定要有一部空氣淨化器，特別對有BB、老人家嘅家居更適合。
Wynd Air Purifier 智能隨身空氣淨化器無論喺效能、體積、便攜性方面，
都非常適合香港嘅住屋環境，所以好推薦大家買部試下，
大節喺前夕，買佢黎送禮係非常唔錯嘅選擇!

♥Follow Facebook: B.Yuetyuet

♥Follow ig : Byuetyuet

♥♥♥♥♥♥♥♥♥♥♥♥♥♥♥♥♥♥♥♥♥♥

免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。